Кыргызстан менен Франциянын ортосунда түз авиакаттамдарды ачуу мүмкүнчүлүгү талкууланды. Бул тууралуу «Кыргызстан аэропорттору» ААКтын Башкармалыгынын төрагасы Манасбек Самидинов өзүнүн соцтармагында билдирди.

Самидинов Франциянын Кыргызстандагы элчиси Николя Фай менен жолугушуп, анда тараптар француз авиакомпаниялары тарабынан эки өлкө ортосунда ортосунда түз авиакаттамдарды ачуу мүмкүнчүлүгүн карашкан. Сүйлөшүүлөр жарандык авиация жана туризм тармактарындагы эки тараптуу кызматташтыкты өнүктүрүүгө багытталган.

Манасбек Самидинов «Кыргызстан аэропорттору» эл аралык маршруттук тармакты кеңейтүүгө кызыкдар экенин жана бул багытты өнөктөштөр менен биргеликте практикалык жактан иштеп чыгууга даярдыгын билдирди.