Ысык-Көл облусунун Арал капчыгайында дайынсыз болуп жатканы айтылган россиялык эки жаран аман-эсен табылды. Бул тууралуу Өзгөчө кырдаалдар министрлигинен билдиришти.

Маалыматка караганда, ӨКМдин 3 куткаруучусу алар менен байланышка чыгып, тоодон аман-эсен түшүп келишкен.

Эскерте кетсек, 15-октябрда Арал капчыгайына эс алууга чыгышкан Россиянын 2 жараны дайынсыз жоголгондугу тууралуу маалымат түшкөн. Жерине 4 куткаруучу тартылып, бирок эс алуучуларды табышкан эмес.

Бүгүн, 16-октябрда издөө иштери кайра жанданып, 3 куткаруучу тартылган.

Ысык-Көлдө дайынсыз жоголгон эки россиялык жаран изделүүдө

Биздин Телеграм каналга катталыңыз