Ысык-Көл облустук милициясы 17 жаштагы Айсулуунун өлүмүнө байланыштуу кылмыш ишинин жүрүшү тууралуу маалымат берди.

Хронология:

• 27-сентябрь, саат 20:30 чамасында Айсулуунун апасы кызы Караколго таанышына кеткен бойдон дайынсыз болуп жатканын милицияга билдирген.
• Ыкчам иштердин жүрүшүндө кыз ошол эле күнү саат 12:45те Honda Stream үлгүсүндөгү автоунаага отурганы Барскоон айылынын кире беришиндеги май куюучу жайдын видеокамерасынан аныкталган.
• Шектүү кызды Жеңиш айылындагы алма бакка алып барып, болжол менен саат 13:00дө зордуктап, кийин Кажы-Сай айылындагы көлмөгө алып барып муунтуп өлтүргөн.
• Маркумдун сөөгү кийинчерээк Кемин районунун Жел-Арык айылынан табылган.
• Кылмышкер изин жашыруу максатында автоунаасын жууп-тазалап, таштап кеткен. Ошондой эле жабырлануучунун телефонун SIM-картасын жок кылуу менен жок кылган.
• 40 жаштагы шектүү Бишкектеги кичи райондордун биринен кармалган.
• Ал мурда бир нече жолу соттолгону белгилүү болду.

Учурда кылмыш иши козголуп, тергөө амалдары уланууда.