Жалал-Абад шаарында “Акылман” президенттик лицейи курулат. Бул тууралуу мамлекеттик сатып алуулар порталында маалымдалды.

Маалыматка ылайык, Капиталдык курулуш департаменти “Акылман” президенттик лицейин куруу боюнча долбоорлоо-сметалык документациясын даярдоого тендер жарыялады.

Бул максатка 12 миллион 411 миң 68 сом жумшоо пландалууда. Тендердик арыздарды кабыл алуу 2025-жылдын 18-августуна чейин жүргүзүлөт.

Белгилей кетсек, “Акылман” президенттик лицейи окуучулардын интеллектуалдык, илимий жана чыгармачылык потенциалын өнүктүрүү максатында 2023-жылы түзүлгөн. Мекеме президенттик фонддун эсебинен каржыланат.