Жалал-Абад облусунун аймагында Кытай – Кыргызстан – Өзбекстан темир жолунун курулушу активдүү жүрүп жатканын президенттин аймактагы өкүлчүлүгү маалымдады.

Жакында президенттин өкүлү Тилек Текебаев облуста жүрүп жаткан ири инфраструктуралык долбоорлор менен таанышуу максатында темир жол курулуп жаткан тилкелерди кыдырып чыкты. Ал Эшме, Төш-Кутчу жана Калма – Кырчын участокторунда жүргүзүлүп жаткан иштерди жеринен көрдү.

Сапардын алкагында облус башчысы жергиликтүү бийлик өкүлдөрү жана кытайлык курулуш компанияларынын жетекчилери менен жолугушуп, аткарылып жаткан иштер боюнча пикир алышты.