Суусамыр – Талас – Тараз автожолунун 104,6–197,6 чакырымдык тилкесин реконструкциялоо боюнча IV фаза алкагында курулуш иштери активдүү уланууда. Бул тууралуу Транспорт министрлигинен маалымдашты.

Учурдагы иштер:

• Жол жээгин тегиздөө жана кеңейтүү,
• Суу түтүктөрүн жылдыруу,
• Бетон электр мамычаларын демонтаждоо.

Жеринде 80ден ашык техника жана 65 жумушчу иштеп жатат. Жумушчу күчү жана техника күн сайын көбөйүүдө. Долбоордун алкагында:

• 2 асфальт-бетон заводу,
• 1 бетон заводу,
• 2 таш талкалоочу жабдык орнотулууда.

Жалпы реконструкция боло турган жолдун узундугу — 93 км, ал Талас шаарынан башталып “Кичи-Капка” көзөмөл-өткөрүү пунктуна чейин жетет.

Курулуш иштери 2025–2028-жылдардын аралыгында аякташы пландалууда, ал эми долбоордун кепилдик мөөнөтү — 5 жыл.

Долбоордун алкагында:

• 6 көпүрө реконструкцияланат,
• 1 жер алдынан өтүүчү өткмөк курулат,
• Калк жашаган аймактарда тротуар жана жарыктандыруу орнотулат.
• Жолдун техникалык категориясы IIIтөн IIге чейин жогорулатылат.