Жалал-Абад облусунун Токтогул районундагы Кара-Суу дарыясынын боюндагы Каракөл ГЭСинин курулушун быйылкы жылдын аягында бүткөрүү пландалууда. Бул тууралуу Энергетика министрлиги билдирди.

Маалыматка ылайык, кубаттуулугу 18 МВтты түзгөн Каракөл ГЭСинин курулушу учурда 80%га бүткөрүлгөн. Башкы суу алуучу курулуш толугу менен бүтүп, ГЭС имаратынын колонналарын, крандардын устундарын, жогорку курулуш металл конструкцияларын жана чатырын монтаждоо иштери аяктаган. Бардык керектүү жабдыктар жеткирилген.

Учурда каналдарды бетондоо, сэндвич-панель дубалдарын монтаждоо, подстанциянын жабдууларын орнотуу иштери жүрүүдө.

Энергети министрлиги бардык курулуш-монтаждоо иштери инвестициялык келишимдин графигине ылайык жүргүзүлүп жатканын кошумчалады.