2026-жылдын 1-январынан 2027-жылдын 31-декабрына чейин «Кыргыз почтасы» ААКсы аркылуу төлөнүүчү пенсия жана социалдык жөлөкпулдардын суммасынан 2 пайыздык комиссия кармалып турат. Бул тууралуу Министрлер кабинети бекиткен жаңы тартипте айтылат.

Комиссия почта кызматынын жеткирүү кызматын көрсөтүү үчүн алынат жана ал пенсионерлерден өзүнчө чогултулбайт. Төлөм түздөн-түз аларга которулган каражаттардын эсебинен кармалат.

Мурда бул кызмат үчүн тарифтер ар кандай болгон, эми болсо алар унификацияланып, жөнөкөйлөтүлдү. Өзгөртүүлөр расмий жарыяланган күндөн тартып 10 күндөн кийин күчүнө кирет.