Президент Садыр Жапаров 8-майда Бишкектин Ала-Тоо аянтында Жеңиш парадын өткөрүү тууралуу жарлыкка кол койду. Бул тууралуу президенттин администрациясы маалымдады.
Маалыматка ылайык, президент Кыргызстандын Куралдуу күчтөрүнүн жана башка аскердик түзүлүштөрүнүн өздүк курамынын, курал-жарактарынын жана аскердик техникасынын катышуусунда аскердик парадды даярдоону жана өткөрүүнү Коргоо министрлигине тапшырды.
Ал эми мамлекеттик органдарга жана жергиликтүү өз алдынча башкаруу органдарына аскердик парадды даярдоого жана өткөрүүгө көмөк көрсөтүү тапшырылганы белгиленди.
