Бүгүн, 11-июнда Жогорку Кеңештин жыйынында «Ыйман Нуру» парламенттик фракциясынан Жогорку Кеңешинин депутаты Табылды Муратбековдун ант берүү аземи болуп өттү.
Табылды Муратбеков мурдагы депутат Султанбай Айжигитовдун ордуна келди.
Табылды Муратбеков 1994-жылы Ысык-Көл облусунун Түп районунда туулган. 2016-жылы Баласагын атындагы Кыргыз улуттук университетин аяктаган.
Эске салсак, ушул жылдын 28-мартында Борбордук шайлоо комиссиясы Султанбай Айжигитовду депутаттык мандатынан ажыраткан.
