Кыргызстандык балбан Жоламан Шаршенбеков (60 кг) дүйнө чемпионатынын жарым финалына чыкты.
Ал килем үстүнө бүгүн, 12-сентябрда чыгып, таймашты 1/8 финалдан баштады. Биринчи беттеште ал венгриялык балбанды 8:0 эсебинде жеңип алды. Ал эми чейрек финалда америкалык атаандашынын далысын килемге басып таза жеңишке жетти.
Эскерте кетсек, бүгүн кыргызстандык балбандардан Айсулуу Тыныбекова да килем үстүнө чыкты. Ал биринчи беттешинде болгариялык спортчуну жеңип, чейрек финалга өттү.
Биздин Телеграм каналга катталыңыз
