Ош облусунун Араван районунда 18 жашар кызды зордуктаган адам 3 жылга эркинен ажыратылды. Бул тууралуу Ош облустук милициясы кабарлады.

Маалыматка ылайык, ушул жылдын 18-августунда облустук милицияга 2007-жылы туулган К.А. аттуу кыз арыз менен кайрылган. Анда 12-август күнү Телеграм аркылуу таанышкан 30-35 жаштагы киши жумуш таап берем деп чакырып, автоунаасында зордуктаганын билдирген.

Бул факты боюнча Кылмыш-жаза кодексинин «Сексуалдык мүнөздөгү аракеттерге мажбурлоо» беренеси менен кылмыш иши козголгон.

Ыкчам издөөнүн натыйжасында 21-августта кылмышка шектүү катары 29 жаштагы К.уулу Ж. аттуу жаран кармалган.

Топтолгон материалдар сотко жөнөтүлгөн. Сот аталган жаранды 3 жылга эркинен ажыратуу боюнча өкүм чыгарган.