Бишкекте милиция кызматкери менен аял киши кармалды. Алар жаранды зордуктады деген айып тагуу менен коркутуп, акча опузалашкан деп шектелүүдө. Бул тууралуу УКМК билдирди.

Маалыматка ылайык, Т.А. аттуу аял жана милиция кызматкери алдын ала сүйлөшүп алып, Ч.М.ге жогорудагы аялды “зордуктады” деген айып тагабыз деп коркутуп, акча талап кылышкан. Ыкчам иликтөөнүн натыйжасында шектүүлөр Ч.М.ден 350 миң сом пара алып жаткан учурда кармалышкан.

Бул факты боюнча Кылмыш-жаза кодексинин «Опузалап акча талап кылуу» беренеси менен кылмыш иши козголду.

Шектүүлөр соттун чечими менен УКМКнын тергөө абагына камалды. Тергөө уланууда.