Бүгүн, 22-августта Бишкек шаардык сотто активист Адилет Балтабайдын бөгөт чарасын өзгөртүү боюнча арыз каралды.
Сотко активисттин жакындары жана тарапташтары келди. Ошондой эле соттук процесске Адилет Балтабайдын жашы 90дон өткөн чоң атасы Жакыпбек Кожояров да катышты.
Отурумда сүрөт жана видео тартууга уруксат берилген жок.
Сот жактоочунун Адилет Балтабайды үй камагына чыгаруу боюнча өтүнүчүн канааттандырбай, Биринчи май райондук соттун активистти 29-августка чейин камакка алуу чечимин өзгөртүүсүз калтырды.
Адилет Балтабай «массалык башаламандыктарга чакырык» жасоого шектелүүдө. Активисттин баш коргоо чарасын караган кийинки соттук отурум 29-августта өтөт.
Бардык жаңылыктар Телеграм каналда
