Бүгүн, 10-марттагы Жогорку Кеңештин жыйынында бир катар социалдык-экономикалык көйгөйлөр көтөрүлдү.

Алсак, депутат Нурланбек Шакиев Орусиядагы эмгек мигранттарынын абалына токтолуп, бул жаатта чечкиндүү аракеттерди көрүү зарылчылыгын белгиледи: “Ишсиз калган эмгек мигранттарын өзүбүздөгү курулуш компанияларга тартуу маселесин чечүү керек”, – деди.

Ушундай эле көйгөйгө токтолгон эл өкүлү Эмил Токтошев мигранттарга колдоо көрсөтүү керектигин, анын ичинен аба каттамдарынын наркы жогорулаганын жүйө келтирип, Министрлер кабинетин аталган маселеге өзгөчө көңүл бурууга чакырды.