Күрөш боюнча Кыргызстандын курамасы 2022-жылкы Азия чемпионатынын медалдык эсебинде 4-орунду ээледи.

Турнир 19-24-апрель күндөрү Улан-Батор шаарында өттү. Жалпысынан эркектер жана аялдар арасында грек-рим жана эркин күрөш боюнча 30 комплект медаль ойнотулду.

Кыргызстандын курама командасына 21 спортчу кирди, алар 14 медаль – 4 алтын, 3 күмүш жана 7 коло медалга ээ болушту.

Жалпысынан 8 өлкөнүн спортчулары медалдарга жетишти.