.svg){kind=logo}
Кызды өлтүрүүгө аракет кылган. Бишкекте 22 жаштагы шектүү кармалды17 магнит жутуп алган. Ошто 2 жашар балага операция жасалдыБишкектин Ленин райондук ички иштер башкармалыгына жаңы жетекчи дайындалдыСи Цзиньпиндин Кыргызстанга сапары жана Өзбекстандагы жаңы борбор: Кытай «Бир алкак — бир жол» демилгесин күчөтүүнү көздөйтКыргызстан менен Түркия медицина тармагында кызматташууну бекемдейтТеңир-Тоо The New York Times гезитинин эң мыкты туристтик багыттарынын катарына кирди
Ысык-Көлдө дайынсыз болуп жаткан кишинин сөөгү табылды
02.06.2022 | 09:32
Ысык-Көл облусунун Ак-Суу районуна караштуу Совет айылынын 40 жаштагы тургуну А. И. аттуу эркек киши ат менен Ууру-Төр жайлоосуна мал караганы кеткен бойдон дайынсыз болгон. Бул тууралуу маалымат райондук өзгөчө кырдаалдар бөлүмүнө түшкөн.
Кечээ, 1-июнда аталган жарандын минип кеткен аты Зындан айылынан тирүү табылып, бирок, өзү дайынсыз болуп жаткан. Бүгүн, 2-июнда издөө иштерин жүргүзүү үчүн таңкы саат 04:50дө Өзгөчө кырдаалдар министрлигинин ТКККнын №7 ӨМТККВдан 7 куткаруучу тартылган.
Издөөнүн натыйжасында Совет жана Зындан айылдарынын ортосунан агып өткөн суудан сөөгү табылып, куткаруучулар туугандарына өткөрүп беришкен. Ал Жыргалаң суусунун агымы шар жерден аты менен өтүп жатып, аттан жыгылып сууга акканы анын өлүмүнө себеп болгон.
Рубрики: Жаңылыктар, Коом
