Сокулук районунда эки жаштагы Егордун сабалышы боюнча райондук сот бүгүн, 23-июнда өкүм чыгарды.
Аталган кылмышка шектүү делген 1987-жылы туулган Александр Самаркин Кылмыш-жаза кодексинин 138-беренеси боюнча күнөөлүү деп табылып, 5 жылга эркинен ажыратылды.
Ушул жылдын февраль айында Егор катуу сабалып, ооруканага түшкөн. Бул иш боюнча Александр Самаркин кармалган.
Егордун денесинде күйүк, тырыктар болгондуктан ал узак убакытка дарыланып, реабилитациядан өткөн.
