Мамлекеттик бажы кызматынын кызматкери пауэрлифтинг боюнча дүйнө чемпиондорунун кубогунда 1-орунду ээлеп, 6 рекорд койду. Бул тууралуу Бажы кызматынан билдиришти.

Маалыматка караганда, турнир 2022-жылдын 23-25-сентябрында Геленджик шаарында өттү. Дүйнө чемпиондорунун кубогунда Кыргызстандын атынан 3 адам: бажынын майору Дмитрий Дороженко, Наиля Такутдинова жана Гүлжана Нурлаева катышты.

Ачык жаш категориясында жана ардагерлер 50-54 категориясында Мамлекеттик бажы кызматынын кызматкери Дмитрий Дороженко биринчи орунду ээлеп, 6 дүйнөлүк рекорд койду.

Ошондой эле, спортчулар биринчи командалык орунду ээлешти.

Белгилей кетсек, чемпиондук үчүн Азербайжан, Казакстан, Орусия, Эстония, Армения жана Кыргызстан сыяктуу мамлекеттер күрөшкөн.

[image_carousel source=”media: 159340,159341,159342,159343″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Бардык жаңылыктар Телеграм каналда