Президент Садыр Жапаровдун катышуусу менен эртең, 25-ноябрда Бишкекте биринчи Элдик курултай ишин баштайт. Бул тууралуу президенттин басма сөз кызматы билдирди.
Иш-чара 25-26-ноябрь күндөрү өтөт. Ага өлкөнүн бардык облустарынан жана аймактарынан 1000ден ашуун делегат, ошондой эле Жогорку Кеңештин депутаттары, Министрлер кабинетинин мүчөлөрү жана өлкөнүн мамлекеттик органдарынын жетекчилери катышат.
Курултайдын жыйынтыгы боюнча биринчи Элдик курултайдын резолюциясы кабыл алынат.
Биринчи Элдик курултай УТРК, республикалык, облустук телеканалдарда жана социалдык тармактардагы баракчаларда түз алып көрсөтүлөт.
Көрсөтүү 25 жана 26-ноябрда саат 10:00дө башталат.
Телеграм каналыбызга катталыңыз
