22-февраль саат 18:00дөн 23-февраль саат 06:00гө чейин Бишкек шаарында Жибек-Жолу проспектисинин Будённый көчөсүнөн Курманжан Датка көчөсүнө чейинки бөлүгү унаа кыймылы үчүн жабылат.

Бул убакыт аралыгында аталган тилкеде жер үстүндөгү жөө адамдар өтүүчү өтмөктүн темир конструкцияларын орнотуу иштери жүргүзүлөт.

Жолдун жабылышына байланыштуу 8 автобустук каттамдын кыймыл багыты убактылуу өзгөрөт. Алар: №2, №21, №36, №40, №48, №71, №118 жана №254 каттамдар.

Транспорттук чектөөлөргө байланыштуу шаар тургундарына жана конокторуна каттамдарын алдын ала пландап, альтернативдүү жолдорду пайдалануу сунушталат.