Бишкекте, 28-февраль күнү, өзүнө өрт койгон жаран каза болду. Бул тууралуу Reporter.kg’ге Саламаттык сактоо министрлигинин басма сөз кызматы билдирди.

Маалыматка караганда, ал кечээ түнү ооруканада каза тапкан. Анын алган жаракаттары оор болгондуктан көз жумган.

Эскерте кетсек, 28-февраль күнү болжол менен саат 15:50дө Киев менен Шопоков көчөлөрүнүн кесилишинде, Кыргыз-Орус Славян университетинин алдында жаран өзүнө өрт койгон. Окуя жерине тез жардам чакырылып, ал ооруканага жеткирилген.

Кийин ал 1979-жылы туулган үй-жайы жок А.Р. экени белгилүү болгон.

Ал денесинин 80%ынан күйүк алып, абалы оор экени айтылган.

Өзүнө өрт койгон кишинин абалы оор

Биздин Телеграм каналга катталыңыз