1-30-ноябрда “Жашыл экономика күндөрү – 2023” өтөт. Бул тууралуу Экономика жана коммерция министрлиги билдирди.

Маалыматка караганда, демилге инклюзивдик жашыл экономиканын принциптерин алдыга жылдырууга жеке сектордун, эксперттик коомчулуктун жана өнүктүрүү боюнча өнөктөштөрдүн өкүлдөрүн жигердүү тартуу үчүн уюштурулат.

16-ноябрда Бишкек шаарында «Жашыл экономика-2023» аймактык форумун өткөрүү Кыргызстандагы Жашыл экономика күндөрүнүн кульминациясы болот.

Бир айда жашыл энергетика, туруктуу айыл чарбасы, туруктуу туризм, туруктуу транспорт, туруктуу каржылоо, энергияны үнөмдөө жана башка тармактарда ар кандай иш-чараларды өткөрүү пландаштырылууда.