Чет өлкөдө жашап жүргөн мигрантардын балдары Кыргызстандын ооруканаларында бекер дарылана алышат. Бул тууралуу Жогорку Кеңештин жыйынында саламаттыкты сактоо министри Алымкадыр Бейшеналиев билдирди.

Жыйында депутат Максатбек Сарбагышев чет өлкөдө төрөлгөн балдар мекенине кайтып келгенде мамлекеттик ооруканаларга акча төлөп дарыланууга аргасыз болуп жатканын айтты.

Министр баланын ата-энеси кыргыз жараны болсо, ал бекер дарыланарын белгиледи. Ал бул боюнча атайын буйрук чыгарууну убадалады.