Өкмөт пенсия, жөлөк пулду жыл сайын көбөйтүп турмакчы. Бул тууралуу министрлер кабинетинин төрагасы Акылбек Жапаров Москва районундагы Крупская айылында аз камсыз болгон жарандар үчүн курулган социалдык шаарчанын ачылыш аземинде билдирди.

Ал аз камсыз болгон үй-бүлөлөргө берилип жаткан кайтарымсыз жардамды 200 миң сомдон берүү пландалып жатканын айтты.

“Пенсия, жөлөк пул, айлыктарды колубуздан келсе, жыл сайын көтөрөбүз. Элде болсо, анан бизде болот. Биз эч кимди артка калтырбайбыз”, – деди Акылбек Жапаров.

Биздин Телеграм каналга катталыңыз