Бишкек шаарындагы Р.Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучулары эмгек сиңирген машыктыруучу Анатолий Тарасовдун жаркын элесине арналган грек-рим күрөшү боюнча эл аралык турнирге катышты. Бул тууралуу мэриядан билдиришти.
Мелдештин жыйынтыгында спортчулар 7 медалга ээ болушту:
— 63 кг салмакта Сабит Шамшединов – алтын медаль;
— Рустам Садыков 130 кг салмакта — алтын;
— 55 кг салмакта Смадияр Жумакадыров — күмүш;
— 97 кг салмакта Нарту Абдурахманов — күмүш;
— 67 кг салмакта Чолпонбек уулу Сыймык — коло;
— 67 кг салмакта Динмухамед Бегелдиев — коло;
— 72 кг салмакта Сүймөнкул Икрамов — коло.
Белгилей кетсек, турнир 2023-жылдын 21-декабрынан 23-декабрына чейин Нижний Тагил шаарында (Россия Федерациясы) өткөн.
