Нарындын Ак-Талаа районунан куралдарды, ок-дарыларды мыйзамсыз алып жүргөн эки жаран кармалды. Бул тууралуу облустук милициядан билдиришти.
Белгилүү болгондой, 26-декабрда рейд учурунда Жерге-Тал айылынын Эки-Чат кыштоосундагы сарайларда эки жарандан 4 сайсыз курал, 20 ок-дары табылып алынган. Аларда тиешелүү документтер болгон эмес.
Аталган фактыга байланыштуу Кылмыш-жаза кодексинин 267-беренесинин 2-бөлүгү (Куралды, ок-дарыларды мыйзамсыз сатып алуу, берүү, сатып өткөрүү, сактоо, ташуу же алып жүрүү) боюнча кылмыш иши козголгон.
Шектүү катары кармалгандар Чолок-Кайын айылынын 51 жаштагы Ж.О. жана Баетов айылынын 57 жаштагы М. А. аттуу тургану болгон. Алар убактылуу кармоочу жайга камакка алынган.
Учурда тиешелүү экспертизалар дайындалып, тергөө амалдары жүрүүдө.
