Кыргызстандык эки жөө күлүк Париждеги Олимпиада оюндарына лицензия алышты. Бул маалыматты Жеңил атлетика федерациясы тастыктады.
12-майда World Athletics Париж оюндарында марафонго катыша турган спортчулардын акыркы тизмесин жарыялады. Олимпиадалык стандарт эркектер үчүн 2 саат 8 мүнөт 10 секунд, аялдар үчүн 2 саат 26 мүнөт 50 секунд болду.
Кыргызстандын курама командасынын жөө күлүктөрү бул стандартты аткара албай, Universality Places системасы боюнча квота алышкан.
Жыйынтыгында Кыргызстандын курама командасынан эки спортчу – Илья Тяпкин менен Сардана Трофимова олимпиадалык квота алышты.
Тяпкин Олимпиада оюндарына экинчи жолу катышат, буга чейин Риодо өткөн марафонго катышкан. Трофимова 2022-жылы Кыргызстандын атынан катышууга укук алган. Ал Олимпиадага алгачкы ирет катышат.
Биздин Телеграм каналга катталыңыз
