Нарын шаарында 4 жашар кыз изделип жатат. Бул тууралуу Өзгөчө кырдаалдар министрлигинен билдиришти.

Маалыматка караганда, Интернат аймагында Г.Э. аттуу аял киши эс алып жүрүп, 4 жаштагы кызын Нарын дарыясынын жээгинен жоготуп алгандыгын айтып, ӨКМге кайрылган.

Жерине издөө иштерин жүргүзүүгө Нарын шаардык башкармалыгынан жана №16 ӨКБдан жалпы 30 куткаруучу 2 дрон менен тартылган.

Мындан сырткары ИИМден 25 кызматкер, жергиликтүү тургундардан 30 адам издөө ишине чыгышты.

Биздин Телеграм каналга катталыңыз