Бишкекте чет элдиктердин катышуусунда массалык мушташ болду. Окуянын видеосу социалдык тармактарга чыкты.

Свердлов райондук милициясынын маалыматы боюнча, окуя 13-майда болгон. Болжол менен саат 21:30да милицияга Буденный көчөсүндө мушташ болуп жатканы тууралуу маалымат түшкөн. Аталган факт каттоого алынган.

Жерине барган милиция кызматкерлери аныктагандай, Буденный көчөсүндөгү үйдүн жанында хостел тургундарынын катышуусунда мушташ болгон.

Мушташка катышкандар тергөө кызматына жеткирилип, алар милицияга арыз жазган.

Бул факт боюнча “бейбаштык” беренеси менен кылмыш иши козголгон.

Учурда тергөө иштери жүрүүдө.