Бүгүн, 18-мартта, Жогорку Кеңештин жыйынында Кыргызстандын Улуттук банкынын төрагасын шайлоо маселеси каралды. Жыйынтыгында депутаттар аталган кызматка Алмаз Бакетаевди шайлашты. Ал буга чейин Финансы министрлигинин төрагасы кызматын аркалап келе жаткан.

Бакетаевдин талапкерлигин президенттин жана өкмөттүн Жогорку Кеңештеги туруктуу өкүлү Бектур Зулпиев тааныштырды. Анын талапкерлигин 73 депутат колдоду.

Белгилей кетсек, буга чейин Мелис Турганбаев өз каалоосу менен Улуттук банктын төрагалыгынан кетүү боюнча арыз жазганы белгилүү болгон.