Кыргызстан Ангола Республикасы менен дипломатиялык мамиле түздү. Бул тууралуу Тышкы иштер министрлигинен билдиришти.
Тиешелүү документке БУУнун Башкы Ассамблеясынын 79-сессиясынын алкагында эки өлкөнүн тышкы иштер министрлери кол койгон.
Ангола Кыргыз Республикасы менен дипломатиялык мамиле түзгөн 172-өлкө болуп калды.
Ангола — Түштүк Африкадагы мамлекет. Ал 1975-жылы көз карандысыздыкка жеткен.
