Албанияда күрөштүн олимпиадалык эмес салмактары боюнча дүйнө биринчилиги уланууда.
Бүгүн, 30-октябрда чемпионаттын үчүнчү күнүндө эркин күрөш боюнча таймаштар өтөт. Кыргызстандан килемге Тайырбек Жумашбек уулу (61 кг), Алибек Осмонов (70 кг) жана Арсалан Будажапов (79 кг) чыгат.
Эркин күрөштө 61, 70, 79 жана 92 кг салмактар олимпиадалык эмес болуп саналат.
Белгилей кетсек, мелдеш 28-октябрда башталган, 31-октябрда жыйынтыкталат. Бул дүйнө чемпионатында Кыргызстандын грек-рим балбандары байге ала алган жок. Кыз-келиндер күрөшүнөн эч ким катышпады.
