Сот аткаруучу пара опузалоого шектелип кармалды. Бул тууралуу Ички иштер министрлигинен билдиришти.

Министрликтин маалыматы боюнча, Ош облусунун милициясына бир тургун кайрылып, сот аткаруучу пара талап кылып жатканын билдирген. Анын айтымында, сот аткаруучу унааны камактан чыгаруу үчүн башында 30 миң сом опузалап, кийинчерээк андан азыраак акча сураган.

Аталган факт боюнча “пара талап кылуу” беренеси менен кылмыш иши козголгон.

ИММден белгилешкендей, сот аткаруучу 28-октябрда пара алып жаткан жеринен кармалган.