Алыскы жолго жайкы дөңгөлөк менен чыккан айдоочулар артка кайтарылып жатат. Бул тууралуу Жол кыймылынын коопсузугун камсыздоо башкы башкармалыгынан билдиришти.

Аталган башкармалык, айдоочуларга унаасынын дөңгөлөктөрүн кышкыга алмаштыруу керектигин эскертип, болбосо “Сосновка”, “Чычкан”, “Арал” көзөмөл жайларында кайра артка кайтарыларын белгилейт.

Ошондой эле башкармалык айдоочуларды жанына кошумча дөңгөлөк, дөңгөлөккө ороо үчүн чынжыр алып алууга, карама-каршы тилкеге чыкпоого, унаалар ортосундагы аралыкты сактоого чакырат.