Ички иштер министри Улан Ниязбеков 17-ноябрда жергиликтүү кеңештерге өтө турган шайлоодо добуш сатып алууга бөгөт коюуну тапшырды. Бул тууралуу ИИМден билдиришти.
ИИМде алдыдагы шайлоого байланыштуу онлайн кеңешме өткөрүлгөн. Анда министр милиция жетекчилерине добуш сатып алууга, шайлоочуларды ташууга, документтерди бурмалоого, эл арасында чагымчыл маалыматтарды таркатууга жана башка мыйзамсыз иштерге бөгөт коюуну тапшырган.
Ошондой эле шайлоо учурунда коомдук тартипти камсыз кылуу тапшырмасы берилген. Кемчилик кетирген жетекчилерге чара көрүлөрү эскерилген.
