Жалал-Абад облусунун борбору Манас шаарынын аталышы өзгөртүлбөйт. Бул тууралуу президенттин басма сөз катчысы Аскат Алагозов билдирди.

Ал соцтармактарда “Манас шаары мурунку аталышын алат экен” деген имиштер тарап жатканын айтып, бул маалыматтар чындыкка дал келбей турганын билдирди.

“Манас шаарынын аталышын өзгөртүү боюнча маселе каралган жок жана каралбайт. Шаар Манас деген азыркы аталышы менен эле калат”,- деп билдирди ал.

Мурдагы Жалал-Абад шаары 2025-жылдын сентябрь айында өлкө башчы Садыр Жапаровдун жарлыгы менен Манас шаары деп кайра аталган. Анын негизги максаты улуттук идеологияны чыңдоо жана кыргыз элин ар кандай чабуулдардан коргогон баатыр Айкөл Манастын атын шаарга ыйгаруу болгон.