Таластын жана Оштун студенттери жайкысын Улуу Британияга айыл чарба жумуштарына жөнөтүлөт. Бул тууралуу Эмгек, социалдык камсыздоо жана миграция министрлигинен билдиришти.

Министрликтин Жарандарды чет өлкөдө ишке орноштуруу борбору британиялык HOPS Labor Solutions Ltd оператору менен биргеликте Талас мамлекеттик университети жана Ош технологиялык университети менен кызматташуу келишимине кол койгон. Ага ылайык эки окуу жайдын студенттери 2025-жылы жайында Улуу Британияга акы төлөнүүчү айыл чарба жумуштарына иштөөгө бара алат.