Бишкекке ISUZU үлгүсүндөгү 14 жаңы автобус келди. Бул тууралуу мэриядан билдиришти.

Маалыматка ылайык, ал автобустар газ менен жүрүп, экологиялык жактан таза болуп саналат. Жайкысын унаанын ичин салкын кармоо үчүн кондиционер бар.

Шаар бийлиги билдиргендей, бул автобус 85 кишини батыра алат: анын ичинде 21 отургуч бар, калган 64 орун туруп тургандар үчүн.

Тиешелүү жол-жоболордон кийин унаалар каттамга чыгат.

Ушундай эле автобустардан дагы 54ү баскыч-баскыч менен келери пландалууда.