Бишкекте өрт чыккан батирден 84 жаштагы карыя куткарылды. Бул тууралуу Өзгөчө кырдаалдар министрлиги билдирди.
Маалыматка караганда, бүгүн, 13-декабрда эртең менен Тоголок Молдо көчөсүндөгү көп кабат үйдөн өрт чыгып, ал бир сааттан кийин өчүрүлгөн.
Өрт учурунда көп кабат үйдөн 10 адам эвакуацияланган. Ошондой эле 84 жаштагы карыя иске ууланып, батирдин ичинде калып калган. Куткаруучулар карыяны үйдөн алып чыгып, ал ооруканага жеткирилген.
