«Жол фонду жөнүндө» мыйзамына өзгөртүүлөр киргизилди. Ага президент Садыр Жапаров кол койду.
Мыйзам 2024-жылдын 20-ноябрында Жогорку Кеңеш тарабынан кабыл алынган. Анда бензин жана дизель майын чыгарган, импорттогон компаниялардан жыйым алуу каралган. Бул документ «ким көп айдаса, көп төлөйт» деген принцип боюнча иштелип чыккандыктан, жыйымдын акчасын акыр-аягы айдоочулар төлөп калат. Андан түшкөн акча Жол фондуна берилип, жол оңдоого, кароого ж.б. иштерге жумшалат.
Буга чейин күйүүчү майдын ар бир литринен 1 сомдон жыйым алынары кабарланган. Жыйым 2025-жылдын 1-январынан тарта чогултула баштайт.
Жыйым киргизилгенден кийин күйүүчү майдын баасы да кымбаттай турганы айтылган.
Бензин менен дизель кымбаттайт. Кыргызстанда жаңы жыйым киргизилет
