Казакстандагы учак кырсыгынан эки кыргызстандык аман калганы кабарланууда.
Коңшу мамлекеттин басылмалары кырсыктан аман калган 28 адамдын тизмесин жарыялады. Алардын ичинен 14ү Азербайжандын, 10у Россиянын, экөө Кыргызстандын жана бирөө Германиянын жараны. Дагы бир аялдын өздүгү тактала элек.
Аман калган кыргызстандыктардын бири Ринат Асанов 20 жашта, экинчиси Тахир Осмонов 26 жашта.
Тышкы иштер министрлиги Казакстандагы учак кырсыгынан эки кыргызстандык аман калганын ырастады. Үчүнчү кыргызстандык боюнча маалымат такталууда.
Эскерте кетсек, бүгүн, 25-декабрда Актауда Бакудан Грозныйга учуп бараткан учак кырсыктаган. Ал Актаунун аэропортуна авариялык конуу жасамак. Бирок аба майданына 3 чакырым жетпей жерге кулаган. Азербайжандын ӨКМинин маалыматы боюнча, учакта 67 киши бараткан. Алардын ичинен бешөө экпиаждын мүчөлөрү болушат. Ошондой эле учакта Азербайжандын 37, Орусиянын 16, Казакстандын 6 жана Кыргызстандын 3 жараны болгон.
Ооруканага 28 адам жеткирилген.
Казакстанда учак жерге кулады. Анын ичинде үч кыргызстандык болгон (видео)
