Казакстандын Актау шаарында Баку – Грозный багыты боюнча учуп бараткан учак кырсыктады. Бул тууралуу Өзгөчө кырдаалдар министрлиги билдирди.

Кырсык бүгүн, 25-декабрда Астана убактысы боюнча саат 11:10до болгон. Бакудан Грозныйга бараткан учак Актаунун аэропортуна авариялык конуу жасамак. Бирок аба майданына 3 чакырым жетпей жерге кулаган.

Азербайжандын ӨКМинин маалыматы боюнча, учакта 67 киши бараткан. Алардын ичинен бешөө экпиаждын мүчөлөрү болушат. Ошондой эле учакта Азербайжандын 37, Орусиянын 16, Казакстандын 6 жана Кыргызстандын 3 жараны болгон.

Учурда жалпы 28 адам ооруканага жеткирилген. Калган жүргүнчүлөр каза тапканы кабарланууда.

Тышкы иштер министрлиги кыргызстандыктар тууралуу маалыматты тактап жатат.