Ош облусунун Кара-Кулжа районунда мыйзамсыз менчиктештирилип кеткен жер мамлекетке кайтарылды. Бул тууралуу Башкы прокуратурадан билдиришти.
Маалым болгондой, райондук прокуратура текшерүү учурунда Кара-Кулжа айылында айыл чарба багытындагы 12,5 га жер жеке тараптардын менчигине берилип кеткендигин аныктаган.
Прокуратура сотко кайрылып, натыйжада аталган жер муниципалдык менчикке кайтарылган. Анын баасы 4 млн 983 миң сомго жетет.
