Дамирбек Осмонов саламаттык сактоо министри болуп дайындалды. Тиешелүү жарлыкка өлкө башчы Садыр Жапаров кол койду. Бул тууралуу бүгүн, 26-февралда, президенттин басма сөз кызматы билдирди.

44 жаштагы Дамирбек Осмонов – тажрыйбалуу дарыгер жана кардиология тармагындагы белгилүү адис. Дайындоого чейин ал Саламаттык сактоо министрлигинин башкы штаттан тышкары интервенциялык кардиологу жана аритмологу кызматын аркалап келген.

Буга чейин саламаттык сактоо министри Каныбек Досмамбетов иштеп келди. Ал 24-февралда президенттин жарлыгы менен кызматтан алынды.