Жактоочу Самат Матцаков камактан бошотулду. Бул тууралуу Бишкектин Биринчи май райондук сотунан билдиришти.

Маалым болгондой, Матцаковдун бөгөт чарасы 24-февралда каралган. УКМКнын тергөөчүсү келтирген өтүнүч боюнча сот Матцаковду эч жакка кетпөө тилкаты менен камактан бошоткон.

Эскерте кетсек, Самат Матцаков — камакта отурган ишкер Имамидин Ташовдун, абакка кесилген акын Аскат Жетиген жана журналист Актилек Капаровдун жактоочусу.

УКМК Матцаковду 2024-жылы 29-ноябрда «алдамчылыкка» жана «документ жасалмалоого» шектеп кармаган. Ошондон бери ал камакта болуп келген.