Ош шаарында тиричилик калдыктарын кайра иштетүүчү ишкана курулат. Бул боюнча шаар мэри Жеңишбек Токторбаев жана Кытайдын «Цзюньсинь Хуаньбао Кей Жи Инвест» компаниясынын жетекчиси Дай Дао концессиялык келишимге кол коюшту.

Завод жылына 310 миң тоннага чейин таштандыны иштетүүгө жана анын негизинде электр энергиясын өндүрүүгө ылайыкталат. Ишкана экологиялык талаптарга жооп берет жана айлана-чөйрөгө зыяндуу заттарды бөлүп чыгарбайт.

Долбоордун курулуш иштери жакынкы күндөрү башталат. Заводду 2027-жылдын аягында пайдаланууга берүү пландалууда.