Улан Жусупов Кыргызстандын Улуу Британия жана Түндүк Ирландия Бириккен Королдугундагы элчиси кызматынан бошотулду. Тиешелүү жарлыкка өлкө башчы Садыр Жапаров койду. Бул тууралуу президенттин басма сөз кызматы билдирди.

Жусупов аталган кызматка 2022-жылдын мартында дайындалган.

Элчилик кызматка чейин ал Тышкы иштер министрлигинин үчүнчү саясий департаментинин директору болуп иштеп келген. Ошондой эле БУУнун Кыргызстандагы Туруктуу өкүлчүлүгүнүн кенешчиси болгон.