Кызыл-Кыя шаарында 8 айдан бери дайынсыз болуп жаткан жаран Ысык-Көл облусунан табылды. Бул тууралуу Баткен облусунун милициясы кабарлады.

Маалыматта айтылгандай, аталган облустук милицияга Араван районунун Төө-Моюн айылынын тургуну кайрылып, анын 35 жаштагы уулу өткөн жылдын 16-сентябрь күнү Кызыл-Кыя шаарынын Асаналиева көчөсүндө жайгашкан автобекеттен Бишкек шаарына такси менен кетип, 11-сентябрь күнү апасына байланышка чыгып, ошол күндөн тартып дайынсыз жоголуп кеткендигин билдирген.

Издөө иштеринин натыйжасында, аталган жарандын жүргөн жери аныкталып, ал ушул жылдын апрелинде Ысык-Көл облусунун Ак-Суу районунан табылган.

Жарандын бул убакыт аралыгында эмне менен алектенип жүргөндүгү тууралуу маалымат берилген жок.