Тышкы иштер министрлиги математика боюнча эл аралык олимпиаданын 2-туруна катышуу үчүн окуучуларды коштоп жүргөн кыргызстандык Н.А. Түркиянын Стамбул аэропортунда кармалды делген маалымат боюнча билдирүү таратты.
ТИМ бул маселе министрликтин көзөмөлүндө экенин жана кармалган жарандын туугандары менен үзгүлтүксүз байланышып жатышканын билдирди.
«Кыргызстандын Стамбул шаарындагы Башкы консулдугу Түркиянын компетенттүү органдары менен аталган жаранга жардам көрсөтүү боюнча иш алып барууда. Кармоонун жагдайларын жана себептерин тактоо боюнча зарыл иштер жүргүзүлүүдө»,- деп айтылат маалыматта.
